Fire generasjonar Røyrvik røysta samstundes
Jonathan Røyrvik Nordal blir myndig i løpet av året, og røysta for første gong i dag. Oldefar Øyvind Røyrvik var med, saman med sonen Svein og sonedottera Kristine. Dei fire generasjonane nytta røysteretten sin i Festsalen i Kulturhuset Husnes.
Førstegongsveljar Jonathan og tjueførstegongsveljar Øyvind gjekk til urna i lag då deltakingsprosenten kom opp i skyhøge 79,01 prosent.
Fire generasjonar Røyrvik til stemmeurna på Husnes i dag. Førstegongsveljar Jonathan Røyrvik Nordal (17) vart fulgt av både mor, morfar og oldefar (105) då kvartetten gjorde si borgarplikt i kulturhuset på valdagen.
For nestor Øyvind Røyrvik er det etter alle solemerker 21. gong han avlegg si stemme til Stortingsvalet.
Kvinnherad har klokka inn gode røystetal under heile perioden med førehandsrøysting, og heile 5451 gav si røyst før valdagen. Like etter klokka 19 var det klart at deltakinga er oppe i 79,01 prosent, noko som kvinnheringane kan klappa seg på skuldera over.
Foto: Kristian Helgesen.
Sist oppdatert