Kokevarselet: Første prøve rein

Vassprøven som vart tatt torsdag er komen tilbake som rein. Om neste prøve også er det, blir kokevarselet for Husnes, Sunde, Valen og Halsnøy oppheva.

– I dag (fredag) kom det tilbakemelding på vassprøvar tatt i går, og alle var reine. Nye prøvar vert tatt i dag som me vil få svar på i morgon. KOKEVARSEL for Husnes, Sunde, Valen og Halsnøy gjeld framleis, og vert ikkje oppheva før det er levert to reine prøvar. På vår heimeside under «kvaliteten på drikkevatnet» kan du sjå kva vatnet kan nyttast til og kva som må kokast før bruk, rapporterer eining for vatn og avløp i Kvinnherad kommune.