Stengjer veg øvst i Bauge grunna utrast mur

Vegen på toppen av Bauge i Matre er stengt grunna utrasing av muren på nedsida av vegen.

– Det må murast opp ny mur før ein kan sleppa på trafikk igjen. Det er to husstandar som blir råka mest av dette. Me har entreprenør på veg til staden. Dei kjem i gang med arbeidet i løpet av ettermiddagen, og håper bli ferdig i løpet av kvelden, opplyser Tore Nerhus i veg og park.

For dei lokalkjende er staden det har rasa ut om lag 250 meter ovanfor krysset til Svelland.