Ynskjer forslag til kandidatar til Kvinnherad kulturpris
"Dråpen" frå Hadeland Glassverk er det synlege provet på at ein er kulturprisvinnar i Kvinnherad.
Innan 1. oktober kan ein senda inn forslag på personar, lag eller organisasjonar ein meiner bør få kulturprisen i Kvinnherad for 2025.
Levekårsutvalet i Kvinnherad kan kvart år dela ut ein kulturpris til enkeltpersonar eller lag/organisasjonar i eller med tilknyting til Kvinnherad kommune.
Kulturprisen vert gitt for særleg fortenestefull frivillig innsats for kulturlivet i kommunen eller for aktivt kulturarbeid over lengre tid. Levekårsutvalet avgjer om kor vidt prisen skal delast ut kvart år, kven som skal få prisen og korleis han skal delast ut. Dersom komiteen finn at fleire enn ein bør ha prisen same året, kan det delast ut fleire prisar.
Levekårsutvalet er ikkje bunden av innkomne forslag.
Skriftlege forslag til kandidatar skal sendast post@kvinnherad.kommune.no innan 01.10.2025.
I fjor fekk Omvikdalen Bygdekvinnelag kulturprisen for deira «trufaste innsats for å halda i hevd lokal kultur knytt til mat, bunad, tradisjonshandverk, bygdetradisjonar samt eit stort inkluderingsarbeid for nytilflytta kvinner.»
Prisutdelinga vart omtala her https://www.kvinnherad.kommune.no/artikler/2024/q4/2024-12-03-omvikdalen-bygdekvinnelag-far-kulturprisen-for-2024 Lenke til et annet nettsted.
Meir informasjon om kulturprisen finn du her Lenke til et annet nettsted..
Sist oppdatert