Barnevernet sette Kvinnherad på fylkeskartet
Vigdis Anne Dyrkolbotn frå barneverntenesta i barn og familie heldt saman med Isabella Helland frå Ullensvang innlegg om prosjektet «Kompetanseløft vald og seksuelle overgrep» som kommunane har saman.
Kvinnherad synte igjen då Statsforvaltaren inviterte til nettverksbygging i Førde.
Barn og familie/oppvekst var torsdag og fredag på samling med Statsforvaltaren i Førde der tema var «Nettverk for førebygging av vald og overgrep mot barn og unge».
Her har Vigdis Anne Dyrkolbotn frå barneverntenesta i barn og familie (saman med Isabella Helland frå Ullensvang) hatt innlegg om prosjektet Kvinnherad kommune har saman med Ullensvang kommune , som er kalla «Kompetanseløft vald og seksuelle overgrep».
– Tilbakemeldingar frå alle deltakande kommunar – over 30 i talet, er at dei er imponerte over arbeidet me gjer i Kvinnherad! Eg kan trygt seia at vi atter ein gang har sett Kvinnherad kommune på kartet! helsar einingsleiar Randi Pedersen stolt frå Førde.
Over 30 kommunar var til stades på Førde-samlinga til Statsforvaltaren.
Sist oppdatert