Det aller første Opne hus-arrangementet gjekk til Bondhusvatnet med Benthe Bondhus som guide.
Første Opne hus-tur unnagjort
Dei hadde både vêret og selskapet med seg då det aller første Opne hus-arrangementet blei gjennomført.
Kvinnherad kommune har fått 752.000 kroner til å gjennomføra prosjektet som er kalla «Med hjarte for alle i Kvinnherad». Kvar tysdag framover – med unnatak av eit knippe sommartysdagar – har frivilligkoordinatoren på institusjonane og frivilligsentralen planlagt turar og arrangement med mål om å motverka einsemd og passivitet.
Turen gjekk i strålande vêr.
20. mai var startskotet, og 17 kvinner og menn tok opp tilbodet om å bli med på tur til Bondhusvatnet. Benthe Bondhus var guide og hadde lokal historieforteljing undervegs på turen. Lunsj og kaffi vart inntatt ved Bondhusvatnet i strålande sol.
– Me hadde ein fantastisk tur med latter og glede, og etablerte nye kjennskap, seier Lene Vangberg Monsen etter den aller første spretten.
Neste arrangement er Kulturkafé Husnes m/lunsj og kino kl. 1130 til 15 tysdag 27. mai. Den er det inga påmelding til. Vil du delta og har transportbehov? «Hent meg»-bussen kan bestillast på: 55 55 90 99 måndag-fredag kl. 08-17.
Les meir om dei komande arrangementa her: https://www.kvinnherad.kommune.no/populaere-lenker/opne-hus
Lunsj og kaffi vart nytt ved bordet oppe ved Bondhusvatnet.
Turen opp tar kring tre kvarter, som vart tatt med godt humør på turgjengen på 17.
Sist oppdatert