Oppgraderer basenettet – kring 80 adresser kan bli råka

Den komande veka kan området i Uskedalen frå Børnes og oppover dalen mot Musland oppleva periodar utan mobildekning.

Oppgradering av mobilnettet til 5G har tidlegare i vår råka mobildekninga i andre delar av kommunen som berre er dekte av ei mobilantenne. Det blir også tilfelle for adresser i Uskedalen i perioden 8.-14. mai, samt på Skorpo og på nokre små felt i Ølve.

Hovudtyngda av adressene som kan oppleva nedetid på telenettet i denne perioden ligg på strekninga Børnes via Steinsletta, Eik og oppover dalen mot Fjellandsbøvatnet.

For meir informasjon om dekning og utbygging, tilrår Telenor oppdatering via www.telenor.no/dekning