Kongens fortenestemedalje til Øystein Skaala

Øystein Skaala blir tildelt kongens fortenestmedalje for hans arbeid med å ta vare på og å synleggjere historie, kultur og biologi i Kvinnherad.

Det er tidlegare styreleiar i Stiftinga Folgefonnsenteret Hans Inge Myrvold som har ført i pennen forslaget om å tildela Kongens Fortenestemedalje til forskar Øystein Skaala frå Rosendal.

– Vi set med dette fram forslag om å tildele Øystein Skaala Kongens Fortenestemedalje for hans arbeid med å ta vare på og å synleggjere historie, kultur og biologi i Kvinnherad, skriv Myrvold i søknaden, og tar med ei lang liste over område, saker og tema som Skaala har engasjert seg i.

Blant dei er Steinparken, Folgefonnsenteret, Malmanger Prestegard, Informasjonsnemnda for Hattebergsvassdraget, Rosendalsstiftinga og generell opplysingsverksemd innan for fagfeltet sitt som professor i marin biologi.

– Vi vonar at denne søknaden kan koma i betraktning ved tildeling av Kongens Fortenestemedalje, som ei markering av verdien av arbeidet Skaala har lagt ned for Kvinnherad, heiter det avsluttingsvis i søknaden.

Medaljen blir delt ut Den høgtidlege utdelinga vil skje i samband med filmpremieren på «På leiting etter Lul Krag» fredag 13. juni.