Fungerande ordførar Thea Vaage (t.v.) har invitert kultur- og likestillingsminister Lubna Jaffery til å opna den nye kunstgrasbanen i Husnes idrettspark. Snora blir klipt 30. april kl. 1030.
Kultur- og likestillingsministeren opnar den nye kunstgrasbanen
Onsdag 30. april kjem kultur- og likestillingsminister Lubna Boby Jaffery til Husnes for å opna den nye kunstgrasbanen på Husnes idrettspark.
Arbeidet med den andre kunstgrasbanen på Husnes idrettspark har pågått sidan årsskiftet, og onsdag 30. april kl. 1030 er det klar for høgtidleg opning av den banen.
Banen er ein fullverdig 11-arbane, til liks med nabobanen Kvednabekkjen, som ligg om lag ti meter frå den nye banen. Speleflata er på 106 x 68, som er identisk med dei internasjonale måla for 11-arbanar.
Kultur- og likestillingsminister Lubna Boby Jaffery får æra av å klippa snora når banen no skal opnast. Jaffery har vore minister i Støre-regjeringa sidan juni 2023, og leier departementet som idrett ligg under.
Sist oppdatert