Ny branningeniør på plass

Ho er fersk som 50-åring i og enda ferskare som tilsett i Kvinnherad kommune. Wenche Korsbakke er branningeniøren som mange kvinnheringar kjem til å møta i tida framover.

– Det er førebyggjande avdeling ho kjem til å vera på. Korsbakke ha tilsyn på kommunale bygg som er særskilte brannobjekt. Ho kjem også til å jobba opp mot helse, og spesielt Trygg Heime-prosjektet, eit prosjekt som me måtte prioritera ned i perioden det var vakansar i Kvinnherad brann og redning, seier avdelingsleiar for førebygging Thomas Hallquist om kvinna som har overtatt jobben Hallquist hadde før han vart avdelingsleiar.

Det betyr at tilsette i Kvinnherad kommune kjem til å møta på Korsbakke på fleire arenaer, spesielt sidan kommunen har særskilde brannobjekt i svært mange bygder.

Den nytilsette har treårig høgskuleutdanning som branningeniør, ei utdanning den Bømlo-busette karmøybuen fullførte som 45 åring. Yrkeserfaringa inkluderer mellom anna 2,5 år i Norsk Brannvern.

– Rådgjevingsfirmaet har hovudkontor i Drammen og Oslo, så eg sat på heimekontor på Bømlo og laga orienteringssaker. No blir litt andre sida av bordet, seier Wenche Korsbakke.

Ho var utdanna som kokk, og har jobba innan restaurant og catering før ho omskulerte seg.

– Eg har alltid hatt lyst å jobba i brannvesenet, samtidig som det er få jobbar i pendleavstand frå Bømlo som passar til mi utdanning, seier ho om

– Det blir sunt for miljøet på brannstasjonen å få ei kvinne inn, og så skal det bli veldig godt å bli fulltalige, sluttar Hallquist.