Skjermdump frå vegvesen.no.

Onsdag morgon er to Kvinnherad-vegar stengde. På ettermiddagen stengde den tredje.

I 06.40-tida onsdag morgon vart det rapportert om steinras på vegen mellom Nordrepollen og Austrepollen. Som ein konsekvens er Fv 49 stengt inntil vidare.

I åttetida vart det rapportert inn at flaum stengjer vegen ved Døssland i Uskedalen.

I 1430-tida onsdag vart det avgjort at Brekkevegen i Åkra stengt av Kvinnherad kommune.

– Det er uråd å vita kva som er trygt og ikkje, og difor stengjer me no, opplyser vegsjef i Kvinnherad kommune Terje Natland.

Han slår også fast at det er Åkra i stor grad som før den verste nedbøren i Kvinnherad. Tidlegare på onsdag opplyste Meteorologisk Institutt i beredskapsmøtet til Statsforvaltaren at det var Skare i Ullensvang, ikkje langt frå Åkra i luftlinje, som hadde mest nedbør siste 24 timar.

Dersom ein har observasjonar eller spørsmål, kan den kommunale vakttelefonen nåast på 99 08 05 39.

Beste måten til å halda seg oppdatert på vegsituasjonen til ei kvar tid, er å følgja nettsida til Statens vegvesen sine vegmeldingar Lenke til et annet nettsted, åpnes i nytt vindu..

Kommunen stengjer no Brekkevegen. (Foto: privat)