Heimesida på veg over til ny plattform

Heimesida til Kvinnherad kommune skiftar nettleverandør. Me ber på førehand om orsak dersom publikum opplever manglar, ufullstendige lenker og generell lugging på heimesida dei neste dagane. Opplever du problem, send gjerne ei tilbakemelding til haavard.saetrevik@kvinnherad.kommune.no.

Les mer om Heimesida på veg over til ny plattform
Arbeidet med oppgradering av kunstgrasbanen i Rosendal er i gang.

Arbeidet med oppgradering av kunstgrasbanen i Rosendal er i gang.

Informasjon om utbygging av kunstgrasbanar i Kvinnherad

Det er sett i gang arbeid med å byggja ny kunstgrasbane i Husnes idrettspark, og rehabilitering av kunstgrasbanen i Rosendal. Dette er etterlengta tiltak for brukarane og idrettslaga, og vil gje betre tilhøve til idrettsaktiviteten.

Kvinnherad kommune ønskjer å dela litt informasjon om byggeprosjekta:

Kva er det vi skal bygge?

I Husnes idrettspark vert den gamle grusbanen bygd om til ny 11-ar kunstgrasbane med lysanlegg. I Rosendal vert kunstgrasbanen rehabilitert, lysfundament vert nyetablert, jordvoll mot sjø vert reparert, det blir etablert mållagringsområde og flaumvollar.

Begge banane får same type kunstgrasdekke, og i større grad enn tidlegare er det lagt vekt på kunstgrassystemet i anbodsprosessen. Frå sentralt hold har både fotballmiljøa og mynde jobba aktivt med å finne gode løysingar for framtidas kunstgras. Lokalt har kommunen hatt dialog med idrettslaga og henta kunnskap frå ei rekke referanseprosjekt. Dette har enda med val av organisk innfyll på begge banane.

I Rosendal er miljøsanering rundt banen, demontering og sertifisert deponering av gamalt kunstgras ein del av byggeprosjektet.

Kvifor

På Husnes vert banen etablert på dagens grusbane. IL Trio har store utfordringar med å tilby nok treningsflate til medlemmane sine, og banen må ofte delast på både tre og fire lag for å kunne gjennomføre treningar innafor rimeleg tidsrom. Behovet for slik bane har vore uttrykt over mange år.

Rosendal kunstgras vart etablert som kunstgrasbane i 2008. Dagens kunstgras er utslite og har i fleire år vore delvis skadd. Gummigranulat var ålment nytta som innfyll i slike banar ved etableringa. Med tida har kunnskapen om miljøutfordringar med gummigranulat blitt større, og om nokre år vert også omsetting av gummigranulat forbode.

Kostnadar og finansiering

Brutto kostnad på 18,6 MNOK (Husnes 10,9 Rosendal 7,7). Private gåver, kommunale investeringsmidlar og spelemidlar utgjer hovudfinansieringa. Kvinnherad kommune vert ståande som byggherre og anleggseigar, medan aktiviteten på banane er det typisk idrettslaga og skulene som vert ståande for. Anlegga vert sjølvsagt opne for eigenorganisert aktivitet så lenge det ikkje er organisert trening/kamp der.

Konsekvensar – i byggjefase og etterpå

Kunstgrasbanen i Rosendal vert delvis stengt av i byggeperioden. Gode tilhøve i vinter og stor etterspurnad frå Rosendal Turnlag på tilgjengelege treningsflater gjer at Kvinnherad kommune inngår avtale med Uskedal Idrettslag om at kunstgrasbanen der kan nyttast av Rosendal Turnlag. Denne avtalen vert gjeldande frå 1. februar og ut april. Det er venta at legging av kunstgraset kan gjennomførast i april på begge banane, under føresetnad av at vêret tillét det.

I Rosendal vert det også avsett areal til lagring av måla. Frå tid til annan har kraftige vindkast i Rosendal tatt med seg mål på banen som ikkje har vore sikra, og kasta dei mot gjerde og gjerdestolpar. Brukarane av banen må vere budd på at dei i framtida må sikre måla ved avslutta aktivitet.

På Husnes har den gamle grusbanen til tider vore nytta til parkeringsplass. Nyetablert parkeringsplass ved Kvinnherad Arena er etablert, og den nye kunstgrasbanen kan ikkje lenger nyttast til parkering, slik det har vore praktisert med grusbanen (ved arrangement og liknande).

Kvinnherad kommune gler seg over at det vert etablert fleire og betre idrettsanlegg for innbyggjarane. Med nye kunstgrassystem unngår vi også forureining til miljøet omkring, og spelegleda vert monaleg større for fleire.

Sist oppdatert

Fant du det du var på jakt etter?