Kvinnherad tek i bruk Kjernejournal

Institusjonane og heimetenesta tek i desse dagar i bruk Kjernejournal via journalsystemet sitt. Helsesentera har alt tilgang til Kjernejournal. 

Kjernejournal er ei nasjonal satsing og eit samarbeid mellom Norsk Helsenett, Helse Norge og journalleverandørane. 

Målet med å ta i bruk kjernejournal er å auka pasientsikkerheita ved å gje tilgang til viktig informasjon når ein pasient vert flytta mellom omsorgsnivå, og i akuttsituasjonar.  

I kjernejournalen finn ein:  

• Kritisk informasjon
• Pasienten sine registreringar
• Legemiddel (kjelde reseptformidlaren)
• Journaldokument (epikrise og samanfatningar)
• Prøvesvar (folkehelseinstituttet)
• Vaksinar (SYSVAK)
• Oversikt over besøk i spesialisthelsetenesta (Norsk pasientregister)

Tilgang Kjernejournal:  

• Pasientar har tilgang til eigen Kjernejournal via Helse Norge 
• Fastlegen kan lesa og leggja inn helseopplysningar via sitt journalsystem 
• Spesialisthelsetenesta legg inn helseopplysningar via sitt journalsystem 
• Pleie og omsorg kan lesa og leggja inn helseopplysningar (etter autorisasjon) via sitt journalsystem 
• Pasienten bestemmer om noko ikkje skal visa i kjernejournal  

Oppslag i kjernejournal følgjer gjeldande bestemmingar om teieplikt og behandling av helseopplysningar. Bruk av kjernejournal blir logga som ved anna oppslag i pasientjournal. 

Her finn du meir info:   

Helse Norge Lenke til et annet nettsted, åpnes i nytt vindu.  
Norsk Helsenett Lenke til et annet nettsted, åpnes i nytt vindu.