Elektronisk kommunikasjonsnett er oppe igjen

Oppdatert kl. 13:43:
Telenor har no meldt at feilen er retta og at alle tenester er oppe igjen. Dette gjeld også Telia.
---
Telenor har meldt om utfall i ein del basestasjonar i Kvinnherad. Entreprenør er varsla for å starta arbeidet med å utbetra feilen. I tillegg har Telia meldt om utfordringar med basestasjonane i Husnesområdet.
I følgje Telenor og Nkom (Nasjonal kommunikasjonsmyndigheit) gjer utfallet at det er manglande mobildekning rundt områda Matre/Fjellhaugen, langs Fv 40 og i og rundt Ølve. I tillegg er det redusert kapasitet i Kvinnheradfjorden mellom Herøysund og Ølve og store delar av Halsnøy (Sæbøvik og Høylandsbygd).
Ein god del kundar har og brot på breibandsambandet.
Det er ikkje registrert utfall i Nødnett.
Nkom har desse råda til brukarane:
- Så lenge det er dekning frå ein mobiloperatør i eit område, er det mogleg å ringe nødnummeret 112 for alle naudsituasjonar via roaming (gjesting) hjå andre operatørar som har dekning.
- Viss ein har trådlaust breiband har dei fleste høve til å ringe med WIFI tale
Slik aktiverer du WiFi TaleLenke til et annet nettsted, åpnes i nytt vindu.
- Flytte seg seg til eit område som har mobildekning
For kontakt med Husnes helsesenter ringer du legevakt 116 117 ved akutt behov. Bruk gjerne helsenorge.no Åpnes i nytt vindu. for førespurnadar som ikkje hastar om du har tilgang til det.
NAV Kvinnherad held stengt i dag grunna utfall av nett og telefon.
Sist oppdatert