Vrakpant på kasserte fritidsbåtar
Du kan få utbetalt 1000 kroner i vrakpant når du leverer den kasserte fritidsbåten din til eit lovleg avfallsmottak.
Kasserte fritidsbåtar kan innehalda delar og materiale som kan skada miljøet. I tillegg kan det vera farlege stoff i båten, til dømes frå botnstoff i skrog. Dei fleste fritidsbåtar i Noreg er laga av ei blanding av materialar, til dømes glasfiber som inneheld mellom anna plast. Dumping av slike båtar i havet vil føra til nedbryting, som over tid fører til mikroplast i havet. Fritidsbåtar som blir forlatne i naturen eller senka ulovleg bidrar til forsøpling og lokal forureining.
Ved å samla inn og behandla båtar som skal kasserast, hindrar vi at menneske og natur blir eksponerte for farlege miljøgifter og mikroplast frå båtar som blir etterlatne. I tillegg vil materialgjenvinning og energiutnytting av båtane gi reduserte klimagassutslepp og andre positive miljøeffektar.
Sist oppdatert