Studietur til Florø og Kinn kommune

Torsdag 16. februar var styringsgruppa til moglegheitsstudien til Grøn Næringspark Kvinnherad på studietur til Florø.

Her blei vi teken godt imot frå kommune og næringsliv. Vi fekk mellom anna omvising på Fjord Base - eit imponerande næringsområde som har vore i sterk utvikling sidan 1985. Aktiviteten som er der i dag er svært imponerande med stor næringsvariasjon. Dei har òg fått store løyvingar frå Enova til hydrogensatsing og oppnådd svært gode resultat innan torskeoppdrett.

Elles var naturleg nok kraft og tilgang på nok energi eit viktig tema. Gjennom prosjektet Energisenteret har kommune og næringsliv gjennomført ei omfattande kartlegging i høve til framtidige grøne satsingar. Det var òg spennande å høyre om eit svært konkret prosjekt innan bølgjekraft som skal levere energi til oppdrettselskapet Svanøy Havbruk.

Grøn region Vestland viser til 16 Hub'ar i Vestland som har eit særleg stort potensiale i høve industriutvikling, denne turen var såleis eit møte mellom to av Hub'ane i sør og nord i Vestland.

Sjå Hub-presentasjon Pdf, 10 MB, åpnes i nytt vindu.

Vedlagt finn du ein del bilete og artiklar om dei ulike satsingane. Er det nokon som ønsker at vi formidlar kontakt kan du høyra med næringssjef i Kvinnherad, Grete Solheim.

Næringslos Frode Hetlevik fekk mange potensielle føredragshaldarar på blokka til Kvinnheradkonferansen i september.

Vi takkar så mykje for eit flott vertskap, dette var verkeleg inspirerande og lærerikt.

Fjord Base Lenke til et annet nettsted, åpnes i nytt vindu.