Heimesida på veg over til ny plattform

Heimesida til Kvinnherad kommune skiftar nettleverandør. Me ber på førehand om orsak dersom publikum opplever manglar, ufullstendige lenker og generell lugging på heimesida dei neste dagane. Opplever du problem, send gjerne ei tilbakemelding til haavard.saetrevik@kvinnherad.kommune.no.

Les mer om Heimesida på veg over til ny plattform

Husmorutstilling

Velkommen til opning av «husmorutstilling» i Folgefonnsenteret måndag 27. februar klokka 13.00

Initiativtakar Sussi Bodin og andre på Folgefonnsenteret børstar støv av reiskapar frå husmormuseet i Rosendal. Gjengen stiller ut gamle kjøkenreiskapar, klede og andre bruksgjenstandar frå samlinga eigd av Kvinnherad kommune. I mange år var Wenche Skaaluren pådrivar for museet i kjellaren på Guddalshuset, men dei siste åra har ikkje gjenstandane vore tilgjengeleg for publikum.

Til opninga kjem Astrid Måkestad for å halde innlegg om mor hennar si drivkraft for husmormuseet. Det blir i tillegg musikk og innlegg ved Karin Thauland og Aslaug Eik. I Verven vaffel vert det mogeleg å kjøpe kaffi og lappar. For dei minste vert det aktivitetar knytt til bruksgjenstandane. Utstillinga står framme heile vinterferieveka frå måndag – fredag. Utstillinga er open og gratis for alle.

Velkommen!

Sist oppdatert

Fant du det du var på jakt etter?