Offisiell opning av Rosendal stadion

I samarbeid med Rosendal turnlag vil Kvinnherad kommune halde offisiell opning av Rosendal stadion laurdag 4. juni kl. 12-12.30. Arrangementet er ope for alle. Samarbeidspartar er inviterte, det blir talar og kulturinnslag.

Denne helga arrangerer Rosendal turnlag samstundes friidrettsstemne, "Rosendalsleikane", med mange deltakarar, noko som legg ei fin ramme rundt opninga. Stemnet tek ein liten pause under den offisielle opningsseremonien.

Det er gratis inngong til arrangementa, og det er rådd til å ta med ein klapp- eller strandstol.