Heimesida på veg over til ny plattform

Heimesida til Kvinnherad kommune skiftar nettleverandør. Me ber på førehand om orsak dersom publikum opplever manglar, ufullstendige lenker og generell lugging på heimesida dei neste dagane. Opplever du problem, send gjerne ei tilbakemelding til haavard.saetrevik@kvinnherad.kommune.no.

Les mer om Heimesida på veg over til ny plattform

Ferieaktivitetar

Kvinnherad kommune skapar aktivitetar for born og unge i vinterferien.

Barn og familie ved ungdomsbase nord og sør, Frivilligsentralen og naturvegleiar ved besøkssenter Folgefonna nasjonalpark slår seg saman om eit flott program for born og unge i vinterferien. 

Det er eit stort og innhaldsrikt program - og best av alt: det er gratis for born og unge. Her finn du aktivitetar i drøssevis og me kan nemna mellom anna: Workshop i cosplay, opplæring i handbak ved Hardanger handbakklubb, turneringar i mellom anna bordtennis, fifa og biljard. Vidare vil det vera skiaktivitet, natursti og fuglematverkstad. Gratis kino, ope i leikeland,der Husnes leikeland spanderer gratis inngong og på menyen står det mykje, mykje meir.

 

Me har fått badevaktar til bassenga i Rosendal, Hatlestrand og på Husnes vil det også vera ope nokre dagar i vinterferien.

 

Arve Rødland, Anja Thunold, Sara N Langhelle og Veronica T Thorsen står bak planlegginga, og dei er alle svært nøgde med programmet. Me vonar me saman kan gjera vinterferien enno litt kjekkare for born og unge i kommunen vår. Me oppmodar alle om å gå inn på kvinnherad.friskus.com Lenke til et annet nettsted, åpnes i nytt vindu. der det vil stå detaljert informasjon om alle tilboda og mulighetar for å melda seg på dei ulike aktivitetane.


 


ferieaktivitetar (2).png

Sist oppdatert

Fant du det du var på jakt etter?