250.000 kr til tiltak for eldre

Frivilligsentralen har fått tilskot på heile 250.000 kr til tiltaket Eldre ut på middag.
I løpet av ei veke, over sommaren, vil eldre i Kvinnherad få tilbod om å bli med ut på middag.
- Me kjem til å samarbeida med frivillige, transportnæringa og restaurantnæringa for å få gjennomført tiltaket, seier leiar for Frivilligsentralen, Veronica T. Thorsen.

Tilskotet har dei søkt om hjå Statsforvaltaren i Vestland, som har oppretta tiltaket med formål om å motverka fysiske og psykiske konsekvensar av sosial isolasjon, og å leggja til rette for at eldre igjen kan vera ein del av eit sosialt fellesskap etter at vaksinasjonen er gjennomført. Målgruppa er eldre over 65 år.

Her kan du lesa meir om tiltaket: https://www.statsforvalteren.no/nb/portal/Nyheter/2021/04/tilskuddsmidler-som-skal-fa-eldre-ut-pa-middag/ Lenke til et annet nettsted.