Pressemelding – Tøffe tider i næringslivet i Kvinnherad
Det er tøffe tider for næringslivet i Kvinnherad. Ordførar og administrasjonen i kommunen har tett kontakt med næringslivet under Korona-epidemien.
Politikarane i Kvinnherad er einige om lokale tiltak for næringslivet.
Kvinnherad kommune vil gjennomføre planlagde investeringar så langt det er mogleg.
Fleire prosjekt vil bli gjennomførte i løpet av kort tid. Det største er Krokaparsellen til ein verdi av kr 500 mill. som vil bli starta opp tidleg i 2021.
Liste over andre prosjekt som ikkje ligg i «Kvinnheradpakken» kan de finna i slutten av meldinga.
Brannstasjon på Husnes er eit stort prosjekt som blir sett i gong i desse dagar.
Politikarar vil få hyppig oppdatering frå næringssjef/KNS om tiltak som er iverksett og oppdatering på behov frå næringslivet utanom det dei sjølv fangar opp
Det er arrangert og vil bli arrangert fleire nettmøte med næringslivet i Kvinnherad
Administrasjonen jobbar med å framskunde oppstart av byggeklare prosjekt og jobbar med å gjere flest mogleg prosjekt byggeklare
Omstillingsarbeidet vert styrka, vi vurderer medlemskap i næringsklynger for omstilling som NCE Maritim Clean Tech. Arbeidet i næringsorganisasjonar der vi er medlem som Atheno, Kvinnherad Næringsservice, Næringsalliansen m. fleire vert intensivert.
Vi vil sende søknad på fleire tilskotsordningar bl.a. innan grøn næring til Vestland fylkeskommune.
Smidige ordningar slik at bedrifter kan legge om til nye driftskonsept, frå servering til catering, frå handel i butikk til heimlevering.
Gjennom vårt studiesenter på Husnes ønskjer vi å tilby permitterte arbeidarar omskulering og vidareutdanning. Dette vil bli gjort i samband med NAV, Kvinnherad Vidaregåande, Sparebank1 stiftinga Kvinnherad, tillitsvalde og fylkeskommunen. Regjeringa har auka støtta til kompetanseheving og bedriftsintern opplæring i bedrifter. Kvinherad kommune vil saman med KNS følgje opp søkjarar til aktuelle ordningar.
Vi ønskjer å styrke studietilbodet med kurs innan digitalisering, grønt skifte, innovasjon og omstilling. Kom gjerne med innspel.
Det blir vurdert å tilsetje fleire på byggesak for å auke kapasiteten opp mot næringsliv og privatpersonar.
Kommunen saman med KNS jobbar med eit marknadsføringsopplegg der ein vil oppmuntre til å handle lokalt.
Informasjon knytt til tiltakspakkar er å finna på kommunen sine heimesider, samla og strukturert slik at det skal vere enkelt å finne fram. Kontakt oss gjerne for spørsmål om dette.
Det er oppretta ei eiga FB side «Kvinnherad kommune næringsside»
Kommunen vil gjennomføre politiske møter som planlagt for å sørge for at viktige avgjerder ikkje stoppar opp som t.d. godkjenning av reguleringsplanar og byggesaker.
Oversikt over status/mogleg framdrift:
Sist oppdatert