Vinter i barnehagen

Dei siste vekene har små og store opplevd ein skjeldan kald og stabil vinter. Akebakken har vore flittig i bruk både på dag- og kveldstid. Raude kinn, blide ungar og lassevis av klær.
Gleda var stor forrige tysdag og torsdag då Trygve var tilbake i barnehagen. Hesten Garpur fekk salen på og ungane fekk seg ein ridetur etter gamalt. Rideferdigheitene var ikkje gløymde!
Torsdag ordna me oss med lavvo og omn nedanfor gamlehuset i Smiedal. Først fekk ungane ein ridetur. Etterpå fekk dei ein fartsfyllt tur på akebrett, med Garpur som trekkdyr. Litt skummelt i starten for einskilde, men det var snart gløymt. Det kitla godt i magen!
Kakao og niste i lavvoen etterpå. Til slutt fekk me ta turen inn i gamlehuset, eit flott nyrestaurert hus i beste vestlandsstil. Der steikte Trygve pølser til alle i hop. Ein fin avslutning på turen.