- Framsida
- Tenester
- Politikk
- Organisasjon
- Postliste
- Tenestekatalog A-Å
- Skjema A-Å
- Arkivside
- Skjema
- Lenker
- Prosjektrom
- Treff oss på Facebook
Tid for søknad om miljømidlar i landbruket
Kvinnherad har fått ei samla løyving for 2010 på kr. 600.000 til Særskilte miljømidlar i landbruket (SMIL) og kr. 160.000 til Nærings- og miljømidlar i skogbruket (NMSK). Samla løyving til SMIL-ordninga var for heile Hordaland på 7 mill. Frist for søknad er 1. april.
Ordninga har ført til mange positive ringverknader i kommunen. Det har stimulert til landskapspleie, hindra tilgroing, vern av gamle bygningar, auka omsetnad i handelsnæringa, verdiauke i jord- og skogbruk og auka sysselsetnad.SMIL – midlane kan gå til rydding av gamal kulturmark og gjerding, restaurering av verneverdige bygningar, styving, ljåslått, istandsetting av steingardar, områdemidlar(bygdemobilisering), tekniske miljøtiltak og investeringstilskot i beite.
NMSK- midlane kan mellom anna nyttast til skogkultur, planting og andre tiltak i skogbruket.
Strategiane for bruk av midlane er utarbeide av kommunen i samarbeid med Bondelag, Småbrukarlag og Skogeigarlag.
Søknadsfristen er sett til 1. april. Søknadsskjema kan du få på landbrukskontoret eller du kan følgje lenka under til digitale skjema på nettstaden til Statens landbruksforvaltning.
Vi gjer merksam på at handsaminga av SMIL- søknaden kan ta litt tid. Søknaden bør helst vera sendt før tiltaket vert sett i gang.
Skjema: Søknad om tilskudd til spesielle miljøtiltak i jordbruket
