Tertialrapport 1 / 2010

I tråd med vedteke årshjul skal rådmannen gjennom årsmelding, rekneskap, og to tertialrapportar orientere kommunestyret om utviklinga i kommunen. I tillegg skal formannskapet fortløpande orienterast om den økonomiske stoda.

I tråd med oversendingsforslag frå møte den 04.02.10 vil rapporten også sjå nærmare på deler av tenesteproduksjonen og på utvalde KOSTRA-tal frå mars 2010.

I motsetning til tidlegare år ser det i år ut til å kunne gå mot balanse i lønsbudsjettet. Når det likevel kan gå mot ei overskriding av tildelte rammer er årsaka følgjande:

• 2,0 mill. kr til sluttføring av arbeidet med eigedomsskatt er ikkje med i budsjettet.
• Energikostnadane er minst 3,0 mill. kr for låge i godkjent budsjett.
• Kostnadane med snøbrøyting i vinter har påført kommunen ein ekstrakostnad på 2,0 mill. kr.
• Ramma til Rosendalssona er for låg i høve til dei andre sonene, og må aukast med 1,0 mill. kr.