TERS-MIDLAR TIL OMVIKDALEN SKULE

Ein del av midlane går til innkjøp av nytt utstyr til naturfagrommet. Skulen kjem til å kjøpe inn LEGO-byggjesett med tema teknologi, design og energi. I tillegg vert det kjøpt inn naturfagutstyr som mikroskop, datalogger (måleutstyr for lyd, lys, ph, temp. mm), biologisk feltutstyr, oppslagsverk for planter og for insekt/smådyr i ferskvatn.

Elevane skal få ta del i varierte læringsaktivitetar og mange praktiske aktivitetar som til dømes forsøk med vatn og undersøkingar i og langs elva.

Vatn som energikjelde vert óg eit tema som elevane skal lære meir om, og dei yngste skal få byggje kvernkall. Skulen håpar på å få til besøk på lokale småkraftverk og energiverksemder.

Utstyret og undervisingsopplegget skal vera tilgjengeleg for andre skular i kommunen.