Taket på Hatlestrand skule rydda for snø

Pause i arbeidet

Taket på symjehallen ved Hatlestrand skule raste som kjent saman på søndag. Årsaka til at takkonstruksjonen braut saman er ikkje klarlagt, men tyngda av snøen på det flate taket har truleg verka inn. Det er flatt tak på heile skulen, og ein bestemte å fjerna snøen frå heile taket.
I går var 20 mann frå Tekniske Tenester på plass. I løpet av 5 timar vart heile det omlag 2000 m² store taket måkt. Det låg jamnt over 60 cm snø på taket. Det vil seia at vekta på den snøen som vart fjerna var omlag 300 tonn.