Større sjølvråderett i strandsona

Kvinnherad er plassert i sone 3 og får større sjølvråderett i strandsona etter dei nye planretningslinene for differensiert forvaltning av strandsona. Både politisk og administrativt har det lenge vorte jobba for å få større lokal sjølvråderett i forvaltninga av strandsona. Særleg gjennom prosjektet til samarbeidsrådet "differensiert strandsoneforvaltning i Sunnhordland" har det vorte lagt ned ein stor innsats. Det var difor ein stor siger då regjeringa sine nye retningsliner for ei meir differensiert forvaltning av strandsona vart godkjende i statsråd fredag 25.03.2011. Her finn du meir informasjon om prosjektet til samarbeidsrådet.

Kommunane skal leggja retningslinene til grunn i den kommunale planlegginga, planhandsaminga og i handsaming av dispensajsonssøknadar, heiter det i retningslinene. Vidare vert det presisert at byggjeforbodet i 100-meterbeltet gjeld for heile landet, men at særleg kommunane i sone 3 får større spelerom til å setje av byggjeareal til sjø i kommuneplanane. Dei nye retningslinene finn du her.