Startpakke for reguleringsplanar

Startpakka skal vera til hjelp for dei som ønskjer å fremja reguleringsplan etter plan- og bygningslova kap. 12. Pakka er eit supplement til Miljøverndepartementet og Bygningsteknisk Etat sitt rettleiingsmateriell tilgjengeleg på nettstadadressene: www.planlegging.no og www.byggsok.no.

Planframlegga skal vera utarbeidd av fagkunnige, men også forslagsstillaren vil ha stort utbyte av å setja seg inn i startpakka.

1. Planprosessen
2. Kommunen sine krav til forslagsstillar/fagkunnig
3. Vedlegg

Nedst i denne artikkelen er det lenker til alle delar av startpakka i pdf-format. Dei dokument som det er føresett at fagkunnig og/eller forslagstillar skal fylla ut kan også lastast ned som word- og odf-filer.

Denne startpakka vil etter kvart verta nytta av dei fleste kommunane i Sunnhordland. Framleis står noko arbeid att med utforming av pakka, og difor er ikkje desse vedlegga klare til nedlasting enda:

• Vedlegg G: Utforming av reguleringsføresegner
• Vedlegg J: Adresseliste
• Vedlegg K: Døme på teiknforklaring

I tillegg til startpakka skal også "Akseptkriterium og metode for ROS-analysar" nyttast ved arealplanlegging i Kvinnherad.

Tinging av oppstartmøte og oversending av privat forslag til reguleringsplan skal sendast elektronisk til post@kvinnherad.kommune.no. Trykte dokument skal sendast til Kvinnherad kommune, 5470 Rosendal.

Spørsmål om oppstart av reguleringsplanarbeid kan rettast til planleggjar Ingo Bewer på e-post ingo.bewer@kvinnherad.kommune.no eller telefon 53 48 33 23.