Råd for menneske med nedsett funksjonsevne

Rådet sine oppgåver og mynde

• Rådet er eit rådgjevande organ for kommunen, og skal ha til handsaming og kunna gje uttale i saker som er særleg viktige for menneske med nedsett funksjonsevne.
• Rådet skal ha hovudfokus på overordna og overgripande saker, og skal ha til uttale følgjande saker:
  • årsbudsjett og økonomiplan
  • kommuneplanar og reguleringsplanar
  • planprogram og konsekvensutgreiingar etter plan – og bygningslova
  • sektorplanar innan oppvekst, kultur, idrett, helse, pleie og omsorg, friluftsliv og teknisk
  • samferdselssaker
  • bustadprogram

Rådet kan på eige initiativ ta opp saker som vedkjem menneske med funksjonshemming, men kan ikkje handsama saker som gjeld einskildpersonar.

Kvart år skal rådet leggja fram melding til kommunestyret om verksemda si.