Ny forvaltningsplan og styre for nasjonalparken

Ny forvaltningsplan for Folgefonna nasjonalpark og tilhøyhrande landskapsvernområde er ute til høyring, og formannskapet skal kome med sin uttale den 21. januar. I innstillinga frå rådmannen meiner han at planen gjev lite handlingsrom for moderne landbruksdrift, turistnæringa og eit friluftsliv tilpassa alle funksjonsnivå. Rådmannen foreslår planen må leggjast meir til rette for berekraftig lokal verdiskaping.

Styre for nasjonalparken

Samstundes inviterer Miljøvernministeren kommunale politikarar til å delta i eit styre for nasjonalparken med tilhøyrande verneoråde. Miljøvernminister Erik Solheim viser til den nye forvaltningsmodellen for verneområda som seier at kommunane vil få forvaltnignsmynde gjennom politisk samansette nasjonalpark-/verneområdestyre. I styret skal det sitje ein representant frå kvar av kommunane som er del av nasjonalparken, samt ein frå fylkeskommunen. Rådmannen viser til at ein alt har eit styre som består av dei fem ordførarane i kommunane i nasjonalparken, dette gjennom Stiftinga Folgefonna Nasjonalparksenter.