Kvinnherad kulturpris 2011 er tildelt Kvinnherad Turlag

Kvinnherad Turlag

Grunngjveing:

Kvinnherad Turlag er eit lokallag under Den norske Turistforening/Bergen Turlag. Kvinnherad Turlag vart skipa 5. nov. 1998 og skal arbeida for eit aktivt, naturvenleg og trygt friluftsliv for alle som bur i og som vitjar kommunen. Før og etter skipinga har mange av dei same personane vore aktive i å leggja til rette for turar på ski og til fots, ikkje minst med bre- og klatreaktivitetar.

Komite for oppvekst, kultur og idrett har lagt dette til grunn for tildeinga:                                                                                    

 • Kvinnherad Turlag har i samarbeid med bygdelag og idrettslag rydda, kvista og merka turstiar til fjells og i nærområde

• Kvinnherad Turlag har i samarbeid med bygdelag gjennomført Kvinnherad Fjelltrim

• Kvinnherad Turlag har vore aktive med profilering og formidling,- heim,eside, fjelltrimbrosjyrar og anna informasjonstilfang • Kvinnherad Turlag har undergrupper som kvar på si vis har gjennomført viktige tiltak og aktivitetar for ulike målgrupper. Dette vert mellom anna gjort av Barnas Turlag, Seniorgruppa og Fjellsportgruppa

• Kvinnherad Turlag har ansvar for drift og vedlikehald på hyttene Breidablikk og Fonnabu, til saman 7 bygningar i kanten av Folgefonna

• Kvinnherad Turlag og Kvinnherad Turistinformasjon har i samarbeid med Folkehelsekoordinatoren i Kvinnherad og Rådet for menneske med nedsett funksjonsevne gjennomført Turstiprosjektet der heile 69 stiar i Kvinnherad er merka og lagt ut på nett på visitsunnhordland.no

• Kvinnherad Turlag har tilbod i alle bygder med guida turar av høg kvalitet gjennom heile året

• Kvinnherad Turlag er høyringspart i viktige utbyggingtiltak i fjellet, no seinast ved utbygging av Eikemovassdraget. Dette er ei oppgåve dei utfører på ein fagleg god måte for å ivareta natur- og miljøkvalitetane i kommunen

• Utvalet har merka seg arbeidet til Kvinnherad Turlag for å fremja generell folkehelse der ein sameinar natur, kultur og helse