Kvinnherad Brannvern
Kvinnherad Brannvern er delt opp ein avdeling for førebyggjande arbeid og ein for beredskap. Me har kontor på rådhuset i Rosendal, men beredskapsstyrkane er stasjonert på åtte stasjonar rundt i kommunen.
 |
| Husnes Brannstasjon |
Førebyggjande
Førebyggjande avdeling si oppgåve er å auke branntryggleiken i kommunen før ulukka skjer. Dette vert gjort mellom anna ved å gå tilsyn i dei bygningane i kommunen som er definerte som særskilde brannobjekt (sjukeheimar, større verksemder, skular, osv). Avdelinga driv informasjonsarbeid, både opp mot privatpersonar og tilsette i ulike verksemder. Kvart år vert det gjennomført brannvernopplæring av 6.-klassingane i kommunen. Avdelinga handsamer saker som omhandlar lagring av brannfarleg vare, sal av fyrverkeri, større arrangement etc. I tillegg har førebyggjande avdeling det overordna ansvaret for feiing i kommunen. Dersom du skal installera ny eldstad i bustaden din tek du kontakt med byggesakskontoret.
 |
| Husnes Brannstasjon |
Beredskap
Beredskapsavdelinga si oppgåve er å rykke ut og hjelpe ved td. brann, trafikkulukker og liknande. Beredskapsavdelinga er fordelt på 8 brannstasjonar:
- Fjelberg
- Halsnøy
- Husnes
- Rosendal
- Uskedalen
- Varaldsøy
- Ølve
- Åkra
Om du treng assistanse i samband med brann/ulukker ring 110.
