Høyring på forslag til ”Forskrift om jakttid for rådyr, Kvinnherad kommune, Hordaland ”

Behandling av forslag til" Forskrift for jakt på rådyr i Kvinnherad kommune "

Innstilling frå rådmannen:
Kvinnherad kommune legg forslag til ny forskrift for jakt på rådyr i Kvinnherad kommune ut på høyring i samsvar med §37 i Forvaltningsloven.
Frist for å komme med merknader vert sett til 5.mai 2011.



Behandling i Forvaltningskomiteen den 13.04.2011
Rådmannen si innstilling vart samrøystes vedteken.

Vedtak frå Forvaltningskomiteen den 13.04.2011
Kvinnherad kommune legg forslag til ny forskrift for jakt på rådyr i Kvinnherad kommune ut på høyring i samsvar med §37 i Forvaltningsloven.
Frist for å komme med merknader vert sett til 5.mai 2011.




Saksutgreiing:
Kommunestyret gjorde i sak 09/56 slikt oversendingsforslag:
” Kvinnherad kommunestyre ber Viltforvaltaren opna for rådyrjakt i Kvinnherad frå 2010.”
Det lot seg ikkje gjere å få dette til i løpet av 2010, men det vert no fremja sak om utlegging av forslag til ” Forskrift for jakt på rådyr i Kvinnherad kommune”.

Det er fleire grunnar til at jakt kan opnast etter viltforvaltningen sitt syn;
1. Det er registrert rådyr over det mest av kommunen, dei siste åra har me fått ei auke i tilfella av dyr som har omkome etter trafikkskade og dyr som er funne døde. Seks dyr begge dei to siste åra. Dette er om lag ein seksdel av totalt trafikkdrepte dyr.
2. Det har kome fleire klagemål etter beiteskadar i blomebed og hagar.
3. Det har kome fleire klagemål om at rådyra gjer stor skade på kyrkjegardane på Valen og Husnes.
4. Rådyr produserer eit jaktbart overskot i deler av kommunen.

Det bør settes slike vilkår for jakta:
• Minstearealet for rådyr bør settast høgt i startfasen, eksempelvis 1500 daa/dyr.
• Dei jaktvalda som ynskjer å jakta rådyr, må søkja spesielt om fellingsløyve på rådyr. Fristen er innan 15.mai.

Forslag til Forskrift:
Forskrift for rådyrjakt, og krav til minsteareal i Kvinnherad kommune, Hordaland
§ 1. Minstearealet for felling av rådyr i Kvinnherad kommune er 1500 dekar.
§ 2. Forskrifta vert gjort gjeldande frå og med jaktsesongen 2011.
§ 3. Det som gjeld Kvinnherad kommune i forskrift 13. juni 2001 nr. 648 om jakt etter hjortevilt (elg, hjort og rådyr), Bergen, Sveio, Bømlo, Kvinnherad, Jondal, Ullensvang, Eidfjord, Ulvik, Granvin, Samnanger, Austevoll, Sund, Vaksdal, Modalen, Meland, Radøy, Lindås, Austrheim og Masfjorden kommunar, Hordaland vert oppheva frå og med jaktsesongen 2009/2010.