Har du forslag til ein visjon for Kvinnherad?

Kommunen sine brevark vert pryda med "Fellesskap og trivsel - Utvikling og vekst". Skal dette vere Kvinnherad sin visjon, eller bør vi få eit anna slagord å strekkja oss etter?

Om du har framlegg til ein visjon for Kvinnherad kan du nytta kommentarfeltet nedst i denne artikkelen. I feltet "Tema" skriv du ditt forslag, og i feltet "Melding" kan du grunngje forslaget. Det må vere tekst i begge felt for at du skal få posta innlegget. Hugs også antispam-koden før posting. Om du vil ha med namn og e-postadresse er valfritt.

Ein visjon må vere kort, fyndig og vekkja begeistring. Den bør skildra ein ønskt framtidssituasjon som er nokonlunde innafor rekkevidde; dette skal vera ei leiestjerne som vi vil strekkja oss etter. Her er nokre sjekkpunkt til hjelp:

• Retningsgjenvande!
• Attraktiv!
• Realistisk!
• Truverdig!
• Kortfatta!

Formannskapet skal drøfta visjon i august 2010, og kommunestyret skal gjera sitt val i desember. Dette er ein viktig del av arbeidet med den nye samfunnsdelen til kommuneplanen; visjonen vil verta fundament for målsettingar, vegval og strategiar i åra frametter.

Lukke til med ditt bidrag!