Fadderordning for nye gardbrukarar

Fadderprosjektet er eit tiltak der nye brukarar til kjøtproduksjon vert rekruttert, samstundes held ein på å byggja opp eit større miljø rundt allereie aktive gardbrukarar/ kjøtprodusentar. Gjennom dette vil ein få meir trivnad, auka kompetanse i nærmiljøet på lang sikt, og samarbeid t.d. i visse periodar til fordel for den enkelte (sanking, hausting, avløysing, innkjøp av driftsmidlar).

Prosjektet tek utgangspunkt i dagens aktivitetar av faglaga og andre lag knytt til landbruk pluss rådgjevingsapparatet og kjøtforedlinga. Ramma til heile prosjektet vil vera eit strukturert opplegg, der både fadder og ”fadderelevane” vil få nytte gjennom kompetanse- og nettverksbyggjande tiltak. Økonomisk stønad til dei enkelte fadrane skal honorera innsatsviljen deira frå offisiell side, noko som vil vera eit viktig signal ut til næringa.

For meir info kan du også sjekka heimsida vår: www.landskapidrift.no