I møte 23.juni 2011 godkjente kommunestyret samrøystes rådmannens framlegg til Klima- og energi-plan, som skal gjelde og gjennomførast fram til 2020. Med mindre endringar og presiseringar i høve til planutkastet står nokre milepelar fast som prioriterte mål og innsatsområde: Redusert utslepp av klima-gassar (22 % i høve 1990-nivå), 30 % reduksjon i energibruken, som og skal bli meir effektiv, og betre klimatilpassning, m.a. i ROS- og arealpoitikken, der risikoanalyser kan avdekke område som krev tiltak for å sikre menneske, bygg og anlegg m.a. mot flaum og ras-skade. Dette krev at kommunen er pådrivar i arbeid med å utvikle og formidle sikker kunnskap og drøfte miljø- og klimatiltak og problem med oppveksande barn/ungdom, industri, landbruk og folk flest.

Politisk oppnemnd arbeidsgruppe har frå 2009 igangsatt arbeidd med etablering av ladestasjonar for el-/hybridbilar i Kvinnherad.

Bjerknessenteret for klimaforsking i Bergen gjekk torsdag 21. januar inn som samarbeidspartnar i Folgefonnsenteret, som skal ha sete i Rosendal. Folgefonna skal bli måleinstrument for klimaforskarane.

Klimaendringane gir tørke i nokre land, ekstrem nedbør i andre og nedsmeltning av vassgivande isbrear i fjelland som Kina og Kenya. Dette kan føre til svekka vassforsyning og matproduksjon, og i verste fall svoltkatastrofer og store folkeforflyttingar, slik vi allereie ser tendensar til idag. Dette kjem på toppen av rådande skjebne for fattige og underernærte i U-land, d.v.s. dei som har minst kraft til å stå imot og å tilpasse seg klimaendringane, - og minst skuld....