Branntryggleik ved større arrangement
Større arrangement i byggverk eller områder som normalt ikkje vert nytta til slike arrangement gir ein auka risiko for brann. Det vert difor stilt krav til brannsikringstiltak og om melding til brannvernet i god tid.
Kva er eit større arrangement?
- Meir enn 50 personar når det er gitt sjenkeløyve.
- Meir enn 150 personar ved andre arrangement.
Varsling til brannsjefen:
Brannsjefen skal i god tid før arrangementet (minimum 3 veker) få melding. Dette for at brannvernet skal kunne verifisere dei opplysingane som vert gjevne.
Kva bør meldinga til brannsjefen innehalde?
- Ei kort utgreiing av arrangementet: kva type arrangement, kor mange gjester/besøkande, målgruppe (alder), om det vert servert eller nytta alkohol, kor mange vakter som vert nytta.
- Ei skriftleg utgreiing om kven som står ansvarleg for arrangementet samt eigar av byggverk/område.
- Ein skriftleg instruks som vaktene skal kjenne til.
- Situasjonsplan (teikning) ved oppsettjing av telt og liknande som viser avstand til omliggjande bygg, slokkevatn, rømningsvegar, slokkeutstyr etc.
- Dersom ein brukar større telt skal det vere ei forklaring på teltet sine eigenskapar ved brann.
- Andre høve som kan vere avgjerande for rømning og branntryggleik.
- Søknadskjema finn du her
